النهاية#9!

مرو الايام ورجعت للدوام.. ومابيني وبين خالد اي سواليف.. من وقت ما قال انه "يحبني" ..


بس اهلا وكيفك.. اقدر انه مسافر ومشغول بس مايقدر يخلي لي وقت يحاكيني فيه؟


لو دقيقه بس يبان انه مهتم حتى لو كان بآخر الدنيا..


كنت الهي نفسي بالشغل والملفات ما ابي افكر واضيق صدري..


هو مستانس ولا درا عني، اضيق صدري عشانه؟



وجهة نظر خالد ..


كنت توي داخل الاوتيل وتعبان..

فتحت جوالي اشوف عليا، ولا ردت علي للحين اكيد نايمة.. كنت مسوي شيك ان بسوارم..

جتني وحده بالدي ام تسولف ..

قعدت اسولف معها عن المدينه الي انا وفيها..


بعد ماخلصت دق جوالي ورديت،،


.....:"السلام عليكم" صوت بنت



"وعليكم السلام"



........:"المحامي خالد ال****؟"



"اي تفضلي"



....:" انا عندي كم موضوع ابي احاكيك فيه فاضي؟"



"معليش عن ايش بس؟"



......:" عن عليا الفلاني"



"انتي مين بس؟"



.....:" انا الي اخترب بيتي بسبب عليا، زوجي من يوم ماشافها وهو بس يصارخ ويهاوش عليّ..
عشان وحده ماتسحتي على نفسها وترمي نفسها على رجال متزوج"



"يا اختي لاتغلطين وهدي وعلميني السالفة"



.....:"انا بس بنصحك، لاتتعب مثلي اترك عليا.. مستانسين مع بعض وقاعدين يلعبون علينا اثنيناتهم"



"مين الي يلعب على مين وانتي مين؟؟



.....:"انا زوجة حمد الفلاني، والي الحين بيطلقني عشان الي تحبها عليا"



حسيت دمي يغلي من العصبية..


ماقلت شيء...



.....:"وعندي المحادثات والمكالمات لو مو مصدق"



"ارسليهم ولا عاد تدقين"



قفلت بوجهها والدنيا سودا بعيوني. .


عليا تسوي فيني كذا؟ عليا تخون؟


ارسلت لي صور المحادثات وكل شيء..

كان ودي يكون هالشيء كابوس واصحى منه على صوت عليا..

بس للأسف عليا خانت ..






وجهة نظر عليا..




خلصت من الدوام ورجعت للبيت، دخلت غرفتي وانسدحت بنام لكن اتصل خالد
فكرت ما ارد عليه بس ماقدرت ..

اشتقت له مره، وفقدت حسّه.. طوّل بزياده 10 ايام او اكثر وهو لا يتصل ولاشيء.


رديت.



خالد:" عليا" كان صوته معصب.



"هلا خالد"


خالد:"كذا تسوين فيني؟ شلون قدرتي بس"


"وش تقول"


خالد:"لاتسوين نفسك بريئة!"


"خالد لوسمحت انتبه لحكيك وعلمني شصاير"


خالد:"انتي الي علميني. علميني عن علاقتك بالزفت حمد!"


"اي علاقة واي خرابيط صاحي انت؟"


خالد:" لا مو صاحي ومجنون! عليا لاتجننيني وتكذبين وتطيحين من عيني اكثر المحادثات عندي وصور المكالمات وكل شيء"


"اي محادثات واي خرابيط! خالد"


خالد:"ما ابي اسمع اسمي على لسانك.. صدق انخدعت فيك"


وقفل بوجهي..

قعدت اصيح..

اول مره اكون بهالضعف تجاهه شخص. .



دق علي رقم غريب. رديت وانا صوتي واضح عليه الصياح.


....:" عليا"


"نعم" صوت حمد الزفت.


حمد:" هدي وروقي.. قلت لك بالطيب ومانفع معاك وجيتك بالغصب"


"يعني الحين على بالك اني بكون معاك بعد حركتك؟"


حمد:" اكيد. ماعندك خيار ثاني."


"لو مايبقى الا انت بهالدنيا ماراح اتزوجك. والحين علمني وش السالفه! "


حمد:" كل شيء مفبرك. يا خالد ملّ منك او هو صدق اللعبه"


"صدق ياحمد لاتحاكيني. انا اكرهك تعرف شلون اكرهك؟"


حمد:" مو بكيفك تكرهيني. تركت زوجتي وبنتي عشانك "


"لايكون انا طاقتك على يدك؟ ابعد عن حياتي صدق" وقفلت منه. وقفلت جوالي بكبره.






بعد فترة..


حمد خطبني ولا وافقت ..


واتصلت كم مره على خالد بس يتجاهلني، وقررت أن ما احاكيه..



خالد ما وثق فيني.. لو انه يثق ماصدق البنت ..  عرفت ان فيه وحده محاكيته
على اساس انها زوجة حمد.. وهو صدق هالشيء

ببساطة صدق شخص غريب وانا ماصدقني ولا سمع مني أصلاً ..


أنهرت من بعده .. لكن صحيت على نفسي وحاولت أن هالشيء ما يأثر فيني.

كنت امسك نفسي قد ما اقدر والهيها بأي شيء.


كنت اقول لنفسي ياعليا كثير طلعوا من حياتك بيهمك هذا الحين؟


وخالد صار بالنسبه لي ولا شيء.. بعد ماكان الصديق والحبيب صار ولا شيء.



******



-النهاية-


أتمنى انكم استمعو وانتم تقرون كثر ما انا استمتعت وانا اكتب هالقصة.


والرسالة بهالقصة .. للبنات خاصة.


لاتسمعين كلام قلبك وتصيرين مثل عليا. مو شرط يكون موقفك نفس موقف عليا
بس ياكثر البنات الي ركضو ورا قلوبهم ولا انتبهوا لانفسهم. ونهايهتم مؤلمة وتعور القلب
كثير بنات تغيرت حياتهم وانقلبت فوق تحت بسبب ايش؟ بسبب انها سلمت قلبها
لشخص مايستاهلها..


مهما كان الشخص كويس ويهتم فيك، لاتنخدعين لان بعد فترة بموقف او زله بيتركك.


الحب مو حرام صح. لكن الحب بحدود والحب انك ما ماتغصبين نفسك مع شخص عشانك تفكرين بان محد بيحبك ثانيه، الحب تكونين مع شخص يحترمك اولاً ويثق فيك .. ما يستهين فيك ابداً .. ولا يكذب .
ولا يخون .


لاتسمحين "لعابر"  يغير حياتك وابتسامتك وتستسلمين.. وتكونين ضعيفة



وفيه شخص بيحبك للأبد.. يوماً ما.


وشكراً لكل شخص قرأ هالقصه ودعمني لو بكلمه ..

شكراً صدق.. الشكر مايوفيكم حقكم ..


من بعد الله انتم الي خليتوني اكتب كم قصة وان شاء الله راح استمر..

كل هذا من حكيكم الحلو.. شكراً.

                             

أحبكم.

الفيدباكس.


ask:nadblogger.