ونمت.من بكرا الصباح صحيت على ديما تدور بالاغراض
"ديمو وش تدورين"
ديما:"اخذ ايبادي"
"مو هنا خليته يشحن عند الطاولة"
وطلعت، قمت غيرت لبسي وكلمت ابوي ولا رد، وكنت بحاكي امي بس ماتصحى هالوقت.
وطلعت كانوا قاعدين يفطرون..
وطلعت كانوا قاعدين يفطرون..
"صباح الخير"
كلهم ردو:"صباح النور"
مايا:"متى نمتي؟"
"٥"
اياد:"شو خلاك تصحي"
"ديما تدور شيء،،وشبعت نوم خلاص"
رحت للمطبخ اخذت لي قهوة بكوب وقعدت عندهم..
ام اياد:"قهوه كمان؟"
"رأسي مصدع ومو مشتهيه بالعافيه عليكم"
خالد:"ديما تعالي كلمي ماما تبيك"
"خاله انا بطلع اشوف شغلي وبخلي ديما عندك،، ايبادها وكل شيء هنا"
ام اياد:" انبسطت فيها كتير الصباح"
"متى صحت"
ام اياد:"٧"
"زيين الحمدلله"
ام اياد:"راح اخذها عالحديقة وبعدها بدي روح لمطعم ام لارا"
"اي توسعين صدرك"
خالد:"يلا نمشي؟"
"يلا انا مخلصه، مايا تعالي معانا ننزلك"
مايا:"يلا جيت"
وركبنا السيارة ووصلت مايا لجامعتها،،
"المستشفى صح؟"
خالد:" اي نحاكيها بالاول"
ورحنا للمستشفى، سألنا ودلونا ورحنا لقينا بنت صغيره بعمر ١٥ تقريباً وجنبها امها.. البنت راحت للكافتيريا
خالد:"هذي هي؟"
"ما اعرف شكلها"
خالد:"انا بروح احاكيها وانتي خليك هنا"
"ليه"
خالد:"اخاف تذبحينها بعد"
ناظرته نظره،، وضحك هو
خالد:"استهبل معاك امشي"
ورحنا لها،،
"السلام عليكم"
"وعليكم السلام" قالت
"زوجة حسن ال****؟
زوجته:" اي نعم؟"
خالد:" معك المحامي خالد ال*** وهذي زميلتي عليا ال****؟
زوجته:""شو بدكم؟"
خالد:"نبي نسألك" ماخلته يكمل حكيه
زوجته:"احكو"
"وين كنتي يوم نقلو زوجك للمستشفى؟"
زوجته:" معاه " بعدين سكتت،
زوجته:"انا حاكيه كل شيء، ومشغوله هالوقت"
خالد:"طيب معليش اخر سؤال متوظفة؟"
زوجته:"اي"
خالد:"وين"
زوجته:"خلاص، ماني فاضيه لهالحكي!"
خالد:"معليش على الازعاج"
ومشينا،
خالد:"واضح انها تكذب"
"اكيد"
خالد:"بس دقي على زملائك الي هنا وخلي يجيبون لنا وين تشتغل"
"دقيقه بحاكي بنتها كانت موجوده وتحاكي امها وراحت للقهوة"
خالد:"وش تقولين لها"
"الحين بتسمع"
ورحت للبنت كانت قاعده لحالها، جيت وقفت عندها وشافتني
"عادي اقعد؟"
"تفضلي" البنت قالت..
"وش اسمك؟"
"مرام"
" انا عليا" ومديت يدي وابتسمت.
مرام:" شو بدكم؟"
" بسألك وقت مادريتي ان ابوك للمستشفى وين كنتي"
مرام:" شو بدكم؟"
" بسألك وقت مادريتي ان ابوك للمستشفى وين كنتي"
مرام:"بالبيت"
"ومين معاك"
مرام:"انا واخي بس"
"وامك وين كانت؟"
ناظرتني وناظرت خالد وقالت" اميّ كانت عند بابا بالمحل"
"الله يشفيه ويخليه لكم"
مرام:"آمين"
"امك وين متوظفة؟ وآسفين ازعجناك"
مرام:" متوظفة بشركة"
خالد:"اي شركة"
مرام:" ب****** ليه؟"
جاء خالد بيتكلم بس قاطعته.
" ماقدرت تجاوب على الاسئلة وجينا لك، ضروري هالاسئلة"
" ماقدرت تجاوب على الاسئلة وجينا لك، ضروري هالاسئلة"
خالد:"شكراً حنا تأخرنا هنا ولازم نروح، الله يخليلكم الوالد"
ابتسمت هي ورحنا للسيارة،،
خالد:"توقعتك تنفعلين"
"شدعوه انفعل، منغبنه بس هذا شغل مو لعبه"
خالد:"تعجبيني"
ناظرته. وسكتت
خالد:" يعجبني شغلك اقصد"
"فهمت قصدك مايحتاج تبرر"
خالد:" هذا اللوكيشن اخاف تضيعينا بعد"
ضحكت عليه"لو انزلك لحالك عرفت شلون"
خالد:"ماتقدرين تكملين"
"ياثقتتك،، بس صدق شكراً"
خالد:" شغلي هذا،، بس ان شاء الله يجيب نتيجة"
وصلنا لمكان الشركة ودخلنا للمدير..
وحاكاه خالد ووافق يعطينا بصمات دخولهم وخروجهم.
رحنا لغرفو كلها اجهزة ومعنا الامن.
خالد:"اي تاريخ؟"
"13 اغسطس"
خالد:"كم الوقت؟"
"١٠ الصباح"
خالد:"لقيته"
"بالدوام كانت؟"
خالد:"ايي"
"زين كيف ناخذه"
خالد:"نطبعها" وناظر السكرتيرة
السكرتيرة:"اوكي الحين اعطيكم اياها"
خالد:" شكراً مره"
السكرتيرة:"العفو" وابتسمت لخالد.
واخذنا كل الاوراق وطلعنا للسيارة،،
من بكرا الصباح حضرنا المرافعه واستعملنا الدليل،،
وحكم القاضي ان هي قتلته عن طريق الدفاع عن النفس
وفيه مرافعه ثانيه اذ صحى..
وطلعنا من النيابة،،
كانت جايه معنا ام اياد،، واهل لارا موجودين طبعاً
جتني لارا ولمتني بقوه،،
لارا:"شكراً كثيير،، من بعد الله انتي السبب اني طلعت"
"عفواً، حتى هالاستاذ ساعدني"
لارا:"شكرا كثير إلكم"
خالد:" العفو" وابتسم لها.
ام لارا:" لا توقفو هون خلونا نروح مطعمنا"
لارا:"اشتقت لكل شيء"
ابتسمت لها،،
"من هنا السيارة"
خالد:"من بيسوق ان شاء الله؟؟"
"انت"ورميت عليه المفتاح.
خالد:"احس لي سنة ماركبت سيارة"
"والايام الي راحت بجمل؟؟"
خالد:"اقصد اني انا اسوق" وضحك
ركبنا السياره ودقيت على اياد،،
" بالبيت انتم؟"
اياد:"ايي"
"طلعنا لمطعم ام لارا، تعالو"
اياد:"تدلين المكان؟"
" قاعدين نلحقهم"
اياد:"كويس"
وقفلت منه،،
خالد:" اماني قد جت مع محمد هنا؟"
"لا ماقد جت بس كان ناوي يجيها بنفس السنة الي توفى فيها"
خالد:"الله يغفر له"
"اميين" وسكتت،
خالد:"درستي هنا؟
"لا مادرست هنا صعبة بالنسبة للتخصص ولاا كان ودي مره، كنت اخذ كورسات انجليزي بالصيف وبالسيارة اروح"
خالد:" اي صادقه صعبه، بعكس التخصصات الثانيه"
مارديت،
بعدين قعدنا ساكتين. جاء قال
خالد:" عاديه الاردن وش تحبون فيها"
"تعودنا عليها يمكن،، اذكر كنا نزعل انا ومحمد اذ جينا نرجع بنهاية الصييف"
خالد:" بس مو مثل الرياض"
"اي اكيد بلدك غير،، بس حلوه مره شوفها بالليل والهواء البارد والهدوء"
خالد:"راعيه كيّف واضح"
"ان شاء الله ماترجع الا وانت حابها عشان تعرف" وضحكت.
خالد:"راعيه كيّف واضح"
"ان شاء الله ماترجع الا وانت حابها عشان تعرف" وضحكت.
خالد:" ان شاء الله" وابتسم
"يلا وصلنا"
ونزلنا وقعدنا عالطاولة كلنا،، ونسولف
جت ديما وقعدت جنبي،،
"ديموو عيب سلمي بالاول"
ديما:"ما ابي ابي احاكي ماما"
"الحين اخليك تحاكينها من عيونيي بس ناكل بالاول؟"
ديما:"ابي آيس كريم"
"مايصلح بهالبرد ماتشوفين فيه ثلج؟؟"
خالد:"تعالي عندي ديما" وراحت له وقعدت تضحك معاه
ديما:" ما احب مكان بابا!"
" لييه مو حلوو؟"
ديما:" مافيه احد العب معاه"
خالد:"وش تبين نلعب"
ديما:" نطلع ونسوي سنومان؟؟"
خالد:"وشو هذا بعد"
"نسوي رجل بالثلج قصدها" وضحكت،،
خالد:"ناكل ونروح نسوي الي تبين"
ديما:"واحاكي ماما؟؟"
خالد:"وتحاكين ماما وخالة رنو ويمه بعد كلهم اشتاقو لك"
ديما:"انا اشتقت لهم بعد"
جت ام لارا عند ديما.
جت ام لارا عند ديما.
ام لارا:" شو حلو اسمك"
"قولي شكراً"
ديما:"شكراً"
تغدينا وطلعنا من المطعم،،
"وين اروح" ناظرت خالد.
خالد:"اي شيء فيه العاب"
"زين، حاكي اماني عشان تكلم ديما"
خالد:"يلا"
ودق على اماني،،
خالد:"رنو عطيني اماني تبي تكلمها ديما"
خالد:"خلي امي تقول لك، يلا باي.. هلا اماني خوذي ديما تبي تحاكيك "وحط سبيكر.
ديما:"هلا مااما"
اماني:" هلا ديموو هلا بعيوني"
ديما:"اشتقت لك مره"
اماني:"وانا اكثر،، انسبطتي مع عمه؟؟"
ديما:"اي بس مكان بابا مو حلو"
ا
ماني:"الا حلو مره،، تذكرين يوم بابا يحكي لنا وش كان يسوي مع عمه هناك؟"
ديما:"الا اتذكر"
"اماني بنتك دلوعه بزياده مايمديها تستانس الا تتغلق"
اماني:"صادقه امي دايم تقول ليي كذا"
خالد:"يلا بيطفى جوالي"
اماني:"يلا انتبهو لانفسكم،، وديمو خليك شاطره وانبسطي"
ديما:"اوكيي،، باي"
وقفل منها،، بعد ١٠ دقايق وصلت للمكان
دخلناها للالعاب،،
"ديمو خليك شاطره وهذي الاسوارة لاتشيلينها،، وهذي مويتك واغراضك هنا"
ديما:"اوكيي"
"بنقعد هنا عندك" واشرت على المكان.
ودخلت وقعدت انا وخالد بمحل قهوة،
خالد:" وش ودك فيه؟"
"قهوة سادة من دون سكر"
خالد:"اوكي." وطلب
طلعت الابتوب حقي وسويت كم شغلة بعدين قفلته،،
"معليش بس كانو يبون كم ملف وارسلته"
خالد:"خوذي راحتك عادي"
"خلصت خلاص"
خالد:" احس كل حياتك شغل بشغل"
"احساسك صح"
خالد:" الله يعينك اجل"
"بالعكس حابه نظامي كذا، مريحه رأسي"
خالد:"مريحه رأسك من وشو؟"
"من كل شيء، صرت لنفسي ولاهلي فهمت"
خالد:"اي فاهم عليك"
ومسك جواله وقعدت اشوف ديما وهي تلعب وصورتها وارسلته لاماني،،
خالد:"متى رحلتنا؟"
"بعد بكرا الصباح"
خالد:"حلو"
**
يتبع،،
twitter:nablogger
ask:nadblogger
ليست هناك تعليقات:
إرسال تعليق