....:فيك شيء؟"
رفعت رأسي اشوف مين. كان رجل لابس ثوب وموجود الكرت شكله مدير او شيء.
"لا مافيني شيء شكراً"
....:اذ فيك شيء روحي من هنا وبيفحصونك"
"قلت لا مافيني شيء. مرافق انا"
.....:" مو هنا جهة التنويم"
"تبع العناية انا." وناظرته نظره.
.....:"معليش ازعجتك"
وراح. جتني خالتي
خالتي:"الحمدلله على السلامه"
" الله يسلمك، وراك جيتي"
خالتي:"جايه اخذك"
سكتت. وجت لمتني بقوه.
خالتي:"لاتكتمين بقلبك، صيحي"
من قالت هالكلمه وعجزت امسك نفسي، بقوه قعدت اصيح
مر وقت وهديت قالت لي..
خالتي:"دخلوك؟"
"شفته شوي"
خالتي:" عساه بخير؟"
"نقول ان شاء الله"
خالتي:"عليا خلينا نمشي الحين وبكرا تجين. قعدتك مافيها فايده"
"اخاف امي تتعب وتحتاج احد"
خالتي:"لا تنام عنده"
سكتت.
خالتي:"يلا؟
"يلا" وطلعنا للمستشفى وصلنا لبيت خالتي.
قعدنا بالصالة كلنا، خالتي عندها بنتين ولد.
دانة٢٣ ونجود ١٨ وسليمان ٨ ..
دانة:"حطيت لكم اكل. اجيبه؟"
"انا ما اشتهي. شوفي خالتي اذ تبي"
خالتي:"ليه ماتشتهين؟"
"مدري قولوني شوي هه "
نجود:"اجيب القهوه نتقهوا؟"
"اي عادي"
وراحت نجود تجيبها، جاني سليمان..
سليمان:"شفتي وش شريت؟؟"
"لا وشو" وابتسمت له.
دانه:"سليمان بعدين الحين عليا تعبانه"
"خليه. تعال عندي وورني" وقعد عندي ووراني وبعدها حط رأسه على رجلي ونام.
خالتي:" انا بروح انام تصبحون على خير. وعليا روحي ريحي"
"وانتي من اهله. مافيني النوم الحين بقعد شوي"
وراحت خالتي واخذت سليمان وجابت لي نجود بجاما البسها.
"يوه نسيتت شناطيي"
نجود:"بالمطاررر؟"
"لا مع المحامي الي كنت معه اشتغل، وتخيلو طلع خال ديما"
نجود:"سبحان الله يالصدفه"
"اي مره"
دانه:"كيف هالاردن هالمره؟"
"حلوه مره"
دانه:"لازززم اروح معك المره الجايه"
ابتسمت لها وحطيت رأسي عليها ودموعي تنزل بدون لا احس، ناموا كلهم وانا قعدت عجزت انام،
على الساعه ١٠ صحت خالتي ورحت لها،،
خالتي:" مالقيتك بالغرفه قلت اكيد انها بالحمام"
"اي تسبحت"
خالتي:" عسى نمتي زين؟"
"والله عجزت انا، عمي فيه؟؟"
خالتي:"رايح للشغل"
قعدت عندها وعطتني القهوه.
خالتي:"ترا يصير عنده زحمه عشان الزياره"
"كثير الي يجون؟"
خالتي:"اي اشوف امك تقول لي واجد الي جو"
"انا بروح الحين عشان امي تطلع تريح شوي وانا اقعد عنده"
خالتي:"زين الله يحفظك"
حبيتها مع رأسها وطلعت للسياره. دق جوالي.
اماني
اماني:"السلام عليكم"
"وعليكم السلام"
اماني:"شخبارك"
"الحمدلله وانتي"
اماني:"الحمدلله، شخبار عمي"
"ان شاء الله بخير، بروح له الحين"
اماني:"متى الزياره"
"من ١ الى ٢"
اماني:"زين ان شاء الله بجي"
" جزاك الله خير"
اماني:" يلا مع السلامه"
وقفلت منها، ووصلت للمستشفى..دخلت ولقيتهم نايمين. صحيت ماما بشويش وحاكيتها انها تروح بس عيت..
وبعدها قام ابوي ووكلته وغيرت لبسه قبل مايجي احد..
وفتحت الزياره والناس طالعين داخلين عنده،
جت اماني،،
ا
ماني:"الحمدلله على سلامتك ياعم ماتشوف شر"
ابوي:"الشر مايجيك يابنيتي"
اماني:"ياعم ابوي بيسلم عليك"
ابوي:"الله يحيه"
سلمت علي ووقفت جنبي، استعدلت ودخل ابوها يسلم ومعه خالد..
اول مادخل ناظرني وابتسم.
جيت طلعت انا وامي واماني معنا للكراسي.
امي:" عليا الله يهداك ليه مانمتي"
"ماقدرت يمه"
امي:"طيب بتخلص الزياره مابقى شيء اطلعي ريحي"
"ما ابي اخليه" وامتلت عيوني بالدموع.
اماني:"تعالي معي، وتنامين بعد"
"لا بروح للبيت،انا بطلع شوي احس اني مكتومه"
اماني:"اجي معاك؟"
"لا ياحبيلك"
وجيت بطلع برا بس وقفت عند الباب مو قادره اتحرك
اتنفس بقوه..وقلبي يعور احس بخفقان مو طبيعي
ماحسيت الا والممرضه ماسكتني وجنبها رجل.
"What happened to you?"she said.
"I'm fine, just I'm tired and need to sleep" i said.
"Are you sure?"she said.
"Yes I'm.don't worry" i said.
وراحت ووقف نفس الرجل الي امس،
......:"تفضلي المويا"
اخذته منه وانا ارجف،
"شكراً"
وطلعوا اماني وخالد وابوها،،
واماني وقفت عندي.
اماني:"شصار لك"
شفت ابو اماني اشر لها وطلع،،
جيت بتكلم قاطعني الرجل.
.....:"كانت بتدوخ"
خالد:"يعطيك العافيه ماقصرت حنا عندها تقدر تروح" وناطرني.
...:"اي مساعده او شيء. معكم حمد ال*****"
ومد يده لخالد سلم عليه وراح.
اماني:"يلا امشي نروح للبيت"
" انتظر السواق"
اماني:"امشي بس بتجين معنا، شلون اتركك وانتي كذا"
"اماني مافيني شيء بس مانمت"
اماني:"من متى وانتي مو نايمه؟"
"من جيت للرياض"
اماني:"الله يهديك بس! ماراح اخليك لحالك، بتقعدين هنا بقعد معك ولا نروح للبيت"
سكتت شوي بعدين قلت.
"يلا امشي نطلع"
ووقفت ومشينا للسياره وركبنا،
اول ماركبت وانا متسنده.. دق جوالي اياد
ماودي ارد ويبان على صوتي، ولا ابي يقلق ..
تنهدت بقوه ورديت
اياد:" اهلا"
"هلا والله"
اياد:"كيفك ووش سويتي"
"بخير الحمدلله، ماسويت شيء اول مارجعت نمت والحين قاعده"
اياد:"فيك شيء؟"
"لا مافيني شيء بس زكمت، الله لايوريك شكلي" وضحكت وشافني خالد من المرايا.
اياد:"طيب مشغوله ولا لك خلق؟"
"مشغوله الحين احاكيك اذ وصلت للبيت"
اياد:"طيب باي"
وقفلت منه،
اماني:" ترا خالتي قالت لي ان ام نجود بتجي عندك"
"زين"
اماني:" خالد نوقف بمطعم؟"
خالد:" اي مطعم تبون؟" وناظرني مع المرايا.
سكتت مارديت عليه.
اماني:"اي شيء عادي، ما اكلت شيء عليا"
"اماني ما اشتهي والله"
وسفهتني ومرت مطعم ونزل خالد يجيب
وصلنا لبيتنا وجيت انزل ونزلت اماني معاي.
"اماني ماله داعي اشغلك،، واصلا مو لحالي انا"
اماني:"ماراح اتطمن اذ خليتك"
"طالعه على مين على هالعناد؟؟"
ضحكت اماني.
خالد:"هذا عصير جبته زين للدوخه الي تحسين فيها"
"شكراً" وابتسمت له ودخلت للبيت
قعدنا بالصالة شوي وبعدها جت خالتي والبنات..
وقعدنا نتقهوا،، مرت نص ساعه وبعدها جت امي.
امي:"السلام عليكم"
"ووراك طلعتي؟" قمت فزيت
امي:"قال الدكتور مايصلح يكون احد عنده"
"كيف مايصلح"
امي:" عليا دخلوه العناية عشان ينتبهون له اكثر ويشوفون حالته، وهو بخير بس عشان ينتبهون له اكثر"
" ماصار له شيء صح؟ ماتكذبون علي؟" ودمعت عيوني.
قربت لي امي.
امي:"والله بخير بس عشان يرتاح اكثر وازين له، ادعي له يحتاج دعائك الصياح مايفيده"
"مو بيدي،، احس هنا يعور بزياده مو قادره" اشرت لقلبي ومسكت عيوني.
نجود:" تعوذي من الشيطان، العناية عشان ينتبهون له اكثر ولا حالته مستقرة"
ماما:"اي حالته مستقره بس عشان ينتبهون"
سكتت مارديت عليهم،
اماني:"روحي غسلي وجهك وتعوذي من الشيطان وادعي له"
قمت وانا قلبي ناغزني احس بيصير شيء..
مو من عادتي اصيح ابداً، واتوقع اول مره بعد عزاء محمد صحت
انا قوية بما يكفي أو اتظاهر بالقوة..
بس لما يكون الموضوع يمس ابوي قوتي تروح كلها
ومابيدي حيلة واضعف، باختصار..
"انا بدونِ أبي لا شيء!"
صليت ونمت بدون لا احس بشرشف الصلاة..
**
ليست هناك تعليقات:
إرسال تعليق