"تتطمن على ابوي؟"
خالد:"لا اتطمن عليك انتي.على عليا"
سكتت ما ادري وش اقول..
"خالد تأخرت عليهم، بروح"
خالد:" عليا"
"سمي"
خالد:"انتبهي لنفسك زين، ومايشوف شر ان شاء الله". وابتسم.
"الله يجزاك خير"
ومشيت واخذت ديما معي، وبالي مو معاي ابدً..
قعدت عند ابوي بالكرسي.
وديما راحت مع امها.
ابوي:"عليا"
"سمي"
ابوي:"وش فيه وجهك منصفق"
"مافيني شيء بس بردانه"
ابوي:"ارجعي للبيت بابنيتي"
مسكت يده.
"صاير تطردنيي واجد" وضحكت
ابوي:"ما اطردك بس ادري فيك تتعبين ولا تتكلمين"
"مافيني شيء ياحبيبي"
ماما:"جوالك يدق"
"مين"
ماما:" مايا"
"يلا مع السلامه انا بروح، تبون اي شيء دقو علي"
ماما:"خوذي الورود والاغراض معك عشان بكرا ماننعفس"
"صادقه باخذهم الحين. تبين شيء اجيب لك ؟"
ماما:"لا ياحبيبتي انتي، روحي نامي وقبل لاتنامين كولي شيء"
"ابشري" وحبيتها من راسها.
بكرا الظهر يطلع من المستشفى.. اخيراً
واخذت جوالي وشنطتي وطلعت. ودقيت على مايا ثانيه.
"اهلاً"
مايا:"هلا"
صوتها كان كأنها تصيح..
مايا:"بالبيت انتي؟"
"بالمستشفى وبروح للبيت"
مايا:"اذ رجعتي البيت كلميني"
"هذاني بالسياره. اسمعك"
مايا:"يكفيك همك اجي احكي لك زياده؟ يلا باي"
"مايا هاو وش هالكلام تكلمي اسمعك"
مايا:" احمد"
" وش سوا"
مايا:" متغير كثير. مو نفس اسلوبه واذ جلسنا مع بعض باله مو معاي مكان ثاني"
"يمكن يفكر بعائلته"
مايا:"ما احس، مو من عادته يسكت بالعاده بيحكي لي كل شيء"
" طيب اصبري ولاتقولين شيء"
ماردت.
" لازم تسوين شيء خلاص اذا ماكتب الله اتركيه والله يعوضك"
مايا:"الكلام سهل"
"اعرف ان الكلام سهل، بس بتقدرين مع الايام مايصلح تعذبين نفسك بالصياح عشان شخص مادرا عنك .. ومانظلمه بعد يمكن مشغول بشيء ولا قدر"
مايا:"تعبت من التفكير"
"خلاص لاتفكرين الهي نفسك وبعدها نامي واذ رحتي الجامعه سوي نفسك ماتشوفين ونشوف اذ جاء هو او لا"
مايا:"اوكيي"
"لوسممحتي لااتتضايقين واحببك"
مايا:" وانا كمان، يلا بنام"
" طيب تصبحين على خير"
مايا:"وانتي من اهل الخير"
وقفلت جوالي. ووصلت للبيت ودخلت غرفتي..
مخي مشوش.. قعدت افكر بمايا.. وبعدها فكرت بحكي خالد اليو..
يعني يتطمن علي وهو مايعرفني الا من كم يوم؟
شيء يحير.
بس فيني شيء مبسوط ان خالد يفكر فيني..بس ما أبي ادخل بعلاقة وانا مو مستعده ولا راضيه
ما اقدر..
غمضت عيوني ونمت.. قمت على الظهر وانا محلمه بخالد
قاعدين نفس قعدتنا بالاردن .. وكان الليل هذا الي اذكره من الحلم ،
فيني طبع غريب اذا فكرت بشخص قبل لا انام احلم فيه..
قمت من السرير وتسبحت وطلعت للمستشفى. وانا بالسياره
جاني نوتفبيكيشين من تويتر ..
khaled alxxxx. followed you
وكان حاط صورته.
قعدت اشوف التويت وحكيه وردوده ..
كان كثير يرد على بنات وعادي الوضع عنده. تنرفزت شوي.
وطلعت من الاكاونت بدون لا اسوي فولو.
"اف عليا وش عليك منه"
ولبست سماعتي..
وصلت للمستشفى، دخلت لقيت خالي فهد عندهم ..
"السلاام عليكم"
كلهم ردو.
"والله وتطورناا صرت تجي بدري قبلي"
خالي فهد:"ابشرك مانمت، ابلشتني عريب وهي تصيح"
عريب بنته الصغيره عمرها سبع شهور.
ماما:"شفيها بسم الله عليها"
خالي فهد:"قولي بسم الله على اخوي مانام"
ماما:"عن الدلع يافهد"
خالي فهد:"فيها حراره اتوقع"
ماما:"وقاعد هنا ومخليهم؟؟"
خالي فهد:"اي؟"
بابا:"بيجيك محاضره"
وضحكنا.
ماما:"قوم بس روح لهم يحتاجونك"
خالي فهد:"طرده،، يالله يالنسيب ماتشوف شر واخر الاوجاع"
بابا:"الشر مايجيك وماقصرت"
وسلمنا عليه وطلع،
وبعد ماحاكينا الدكتور وتطمنا ركبنا السياره.
وصلنا للبيت.. وانا منهد حيلي، وبكرا بداوم خلصت اجازتي. كل شيء يجتمع بوقت واحد
دخلت امي تنام، وانا قاعده عند ابوي لو يحتاج شيء..
قاعده اشوفه وهو نايم..
ابوي اقرب شخص لي بهالدنيا، ما اقول له وش يضايقني لاني اصلاً ما احكي ابداً كتومة.
بس لما اكون متضايقه اروح له، لاشعوري انسى وش فيني من سواليفه
اعتبره صديق لي.. كان بعض الايام يتذكر امه مع السوالف ويبكي
وانا لاشعوري من اشوف دمعته ما اقدر امسك نفسي..
"وإذا بكيت فإنا عينُ أخرى تبكي معك"
نمت عند ابوي..
تنبهت الساعه 1 الليل، وكلهم نايمين
حاولت ارجع انام ولا قدرت ..
سويت لي قهوة وقعدت على جوالي..
كتبت تويت ..
"والحل مع النووم المتقطع ياجماعه؟"
بعد كم دقيقه جاء خالد للدي ام،
خالد:"يرجع ينام"
"يعطيك العافيه افدتني"
خالد:"بالخدمة داييم"
وحطيت ضحكه ايموجي.
ماكنت احس ان صح اني احاكي خالد
كان ودي اتجنبيه قد ما اقدر ..
ما ابي احس بأي شعور تجاهه.
جتني رسالة من اماني بالواتس.
اماني:"صاحيه ؟"
"اي" وبعدها دقت علي ورديت.
اماني:" اسفه اني دقيت بهالوقت بس عجزت انام من التفكير"
"شدعوه اماني لو نايمه اصحى عشانك، شفيك بسم الله عليك"
اماني:"اليوم خطبني واحد، مطلق هو وعنده ولد"
"ايوه"
اماني:"وش رأيك"
" ما ادري انتي استخرتي؟"
اماني:"اي"
"ومرتاحه او لا"
اماني:"اي بس ما ادري، احس اني اخون محمد"
"اماني ياحبيبتي، السنين تمر وهو لو يشوفك بيقول كملي حياتك
دام جاك النصيب " كنت مع كل كلمة أحس قلبي يتقطع..
اماني:"يعني اوافق؟"
"اي اذا هو زين ، توكلي على الله"
اماني:" وديما؟"
سكتت انا..
اماني:" كثير اشياء تمنعني.. ما احس اني برتاح وانا قلبي مع محمد وشلون ديما تتقبل"
"ديما تقدرين تكلمينها، ومحمد الله يغفر له ويرحمه يا اماني.. هذي كتبه الله والحمدلله على كل حال"
اماني:" ضايق صدري ياعليا. عجزت انام"
"تعوذي من الشيطان، ونامي وبكرا اول ما ارجع من الدوام بمرك نطلع"
اماني:" ان شاء الله، اسفه ازعجتك"
"قوليها ثانيه وبكف"
وضحكت هي وقفلت منها،
اماني كانت معاي بالمدرسه على اخر سنة ثانوي.. وما ادري شلون عرفو بعض هي ومحمد
وحبوا بعض وتزوجوا.. وبعد زواجهم بكم شهر حملت وجابت ديما،
اماني مره انهدت بعد وفاة محمد لدرجة انها دخلت للمستشفى وقت طويل،
عشانها ما تأكل والحديد ناقص عندها ..
بس قدرت تمشي بحياتها، هذي سنة الحياة..
جاني النوم ونمت .. قمت الصباح ولقيت امي وابوي صاحين،
"يا هلا باحلى اثنين بالعالم"
بابا:"هلاا بالدلوعه"
"يوه منزمان عن هالاسم"
بابا:" وراك صاحيه"
ماما:"هاو توي قايله لك عندها دوام"
ضحكت،،
"اي رصيدي بيخلص ولا اقدر اخذ ايام زياده ، لو تبون شيء حاكونيي"
بابا:"لا داومي، وش يقعدك بالبيت"
ماما:"سلامتك وبحفظ الله"
"وايي بطلع انا واماني بعد الدوام"
ماما:"بتجون هنا"
"ما ادري بس ما اتوقع، ودي اوسع صدرها شوي""
بابا:"اي استانسو واطلعي"
"ابشرر" وطلعت للدوام. وصلت للمكتب ولقيت البنات يفطرون..
منار وخوله وساميه.. معاي بنفس المكتب وعلاقتي فيهم زمالة بس واقربهم لي منار.
"صباح الخيرر"
كلهم ردوو:"صباح النور"
قامت منار ولمتني..
منار:"اشقتتنا لك"
"والله انا اكثرر"
منار:"حتى الملفات اشتاقوو لك"
"واضح الكرف من اول يوم"وضحكت.
ورحنا انا وياها لمكتبي..
منار:"شخبار ابوك الحين؟"
"الحمدلله بخير، اي صح كنت بدق عليك اسأل وش صار على هالقضية" وكنت اقرأ ملف.
منار:" تطلقو والحضانه مع الام"
"كوييس"
منار:" اي مره، انا بطلع اشوف الشغل والمدير قايل اذ جت عليا خلوها تجي للمكتب"
"اوه اوكي بروح"
وراحت قعدت شوي ارتب المكان وطلعت بعدها . وصلت لمكتب المدير.
المدير:"تفضل" ودخلت.
المدير:" اوه عليا، اهلاً وسهلاً"
"اهلا فيك، قالوا لي انك تبيني؟"
المدير:"اي بكلمك ، اقعدي"
وقعدت .
المدير:"الحمدلله على سلامة الوالد"
"الله يسلمك"
المدير:"بسألك عن قضية الي دافعت عن نفسها"
وحكيت له كل شيء.
المدير:" يعني خالد الxxxx تحسينه محامي شاطر؟"
"اي مشاء الله كويس ليه؟"
المدير:" كنت افكر ان ازيد عدد الموظفين واحتاج بنت وولد"
"بس مشاء الله احس مو محتاجين موظفين زياده ولاّ؟
المدير:"مو محتاجين، بس الزياده ولا النقصان"
"اوكي مو مشكله نعلن"
المدير:" لا تعلنين عن شيء، بشوف افكر واذا هذا علمتك"
"زين"
المدير:"قالت لي منار انك ماتقدرين تسافرين عشان ابوك وسلمت لها الامور"
"اي انا قايله لها عشان مايتوقف الشغل، تعرف ان ابوي تعبان ولا اقدر اخليه"
المدير:"يعطيك العافيه وماقصرتي بسفرتك الاخيره"
"الله يعافيك" وطلعت . خلص الدوام ودقيت على اماني عشان تتجهز ولما وصلت طلعت لي.
ومشينا.
اماني:"اهلاً"
"هلا والله"
اماني:"كييفك؟"
"منهلكه"
اماني:"افاا"
"خليها على الله، وين ديما؟؟"
اماني:"مافيني حيل اسايرها قلت اخليها عند رنو"
"شخبارها"
اماني:"صايره دلووعه ولا مابقى شيء وادخلها تمهيدي"
"باقي واجد شهر ونص"
وسكتنا،
اماني:"يوه نسيت جوالي بالبيت"
"نرجع؟"
اماني:"اي واللي يعافيك"
"منير ارجع بيت "
اماني:"وين جوالك احاكي امي؟"
مديت لها،،
وحاكت امها وبعدها وصلنا لبيت اماني. . انفتح الباب وطلع خالد ومعه الجوال
من شفته مسكت جوالي سويت نفسي احاكي احد. ناظرني بعدين مد الجوال لاماني وركب سيارته.
ومشينا .. جتني رسالة من خالد بتويتر.
"شخبارك عليا؟"
**
يبتع..
ليست هناك تعليقات:
إرسال تعليق