"شخبارك عليا؟"
مارديت بس شفت من برا..
قفلت جوالي ووصلنا للمكان وقعدنا انا واماني..
"ايووه"
اماني:"ابدأأ؟؟"
"ابدي ابدي"
وضحكنا. وتنهدت اماني.
اماني:"ما احس اني بقدر احب وانحب بعد محمد"
"وليه ماتنحبين؟؟ مانقصك شيء كامله والكامل الله"
اماني:"بس.."قاطعتها.
"اماني استخيري بالاول وشوفيه اذا ارتحتي كملي، واذا ماحسيتي انك مرتاحه لاتكملين
هذا قرارك وحياتك،، بس لاتفكرين انك ماراح تقدرين تحبين او تنحبين.
محمد الله يغفر له كم له مايت.. ادري هالشعور يعور لك قلبك بس ماراح تقدرين تعيشين طول حياتك
لحالك.. انتي انسانه وطبيعي تبين احد يهتم فيك"
اماني:"فكرت بكل هالاشياء بس ديما"
"ديما معاك اكيد ، ولا اتوقع بيصير عنده مانع"
اماني:"يعني خلاص؟"
"اي اذ انتي مرتاحه"
اماني:"اي بحاكي امي اول ما اوصل.."
"الله يوفقك يارب"
اماني:"وياك وعقباالك"
"واللي يعافيك مابي عوار رأس"
اماني:"تصدقين عليا"
"وشو"
اماني:"مع اني اعرفك منزمان، بس ولا مره حكيتي لي شيء مضايقك
اقوى بنت عرفتها بحياتي.."
ضحكت على اسلوبها.
اماني:"والله وشخصيتك غريبه مره، ماقد صادفت احد مثلك"
"وش فيك اليوم عليّ؟؟ تحليل شخصيات وانا مدري؟"
اماني:"خليني اغير جو شوي"
"لا والله؟؟؟"
وضحكت هي.
اماني:"قررت قررار"
"وشو؟"
اماني:"بديت ادور وظيفة لي"
"كوييس"
قعدنا نسولف وبعدها طلعنا وصلت اماني لبيتها ورحت للبيت ..
رجعت للبيت قعدت شويه معاهم وبعدها رحت لغرفتي وانسدحت..
دخلت تويتر،
"الحمدلله بخير، وأنت؟"
رد علطول.
:"الحمدلله، شخبار ابوك عساه احسن؟"
"ايه يارب لك الحمد"
ودخلت اشوف التويت حقاته.
"انتي صدفة ماغابت عن البّال لحظه"
من قريت الكلام وقلبي ينبض بقوه ..
إحساس غريب، يمكن غيره .. بس لا انا ما احبه .
يمكن بس معجبه بشخصيته وفترة وتمر؟
"اف ياعليا ! محد يبقى لاحد وخلي عنك هالخرابيط"
ونمت .. قمت الصباح ورحت للدوام وخلصت منه وطلعت للبيت
دخلت وقعدت مع امي وابوي،، كلمتني واتس نجود.
نجود:" بالبيت انتي؟؟"
"ايه بالبيت"
نجود:"نطلع لمكان؟"
"مالي خلق مرره"
نجود:"نطللع لقهوة؟؟"
"حبيبي الفاااهم بس مره مالي خلق تعالو للبيت" وحطيت ايموجي يضحك.
نجود:"لك خلق ننادي البنات؟"
"مين؟ اذ احد بعيد واللي يعافيك مافيني حيل رسميات"
نجود:"لا نمون عليهم لاتخافيين، اماني واختها رنا"
"خلاص اوكيي، جيبوا قهوة وتعالو لبيتنا"
نجود:" زين بتجهز وبحاكي اماني"
"اوكي دقي علي لاصرتي عند الباب"
وقفلت منها وتجهزت بعد نص ساعه.
فتحت الباب ودخلوا..
دانة:"وااضح النوم لااعب"
"تكفين لاتتكلمين عن النوم"
"اماني وين دييما؟؟"
اماني:" مع خالها راحت"
"امااني جيبيها مشتاقه لها مرره"
نجود:"اي والله حتى انناا"
اماني:"بكرا اجيبها لكم ولا اي وقت، طلعت مع خالد للالعاب"
"ااوه اجل وقت ثانيي"
وقعدنا نسولف،، تعشينا وجيت قلت..
"بناات شرايكم موفي ناييت وننام؟؟"
دانة:"انا اصلاً جايبه اغراضي منزمان ناويه"
"كفوو" وضحكت عليها.
اماني:"لا واصلاً خالد بالطرريق"
"بلا سخافه وش عندك يعني؟؟"
اماني:" ماله داعي"
"خلاص اجل روحي لحالك ورنا تقعد"
ضحكت رنا.
اماني:" ودوامك؟؟"
"بداوم وبرجع عادي،، وبتصيرون نايمين."
اماني:"مشكله مانقدر نقول لاا"
"اااهه اخيرراًً"
وبعدها قمت للمطبخ ولحقتني اماني،،
اماني:"تدرين خالد جابب ديما عشانك مشتاقه لها"
"طيب؟"
اماني:"بس اقول" وضحكت.
"اماني وتبن وخري عن وجهي انتي وتلميحاتك"
ودق جوالها.
اماني:" بدخل لدوره المياه افتحي الباب لديما"
"مشغوله تكفين قولي لدانه ولا رنا"
اماني:"مافيني مستعجله روحي افتحي"
وطلعت اماني ولحقتها للباب افتح.
لما فتحت الباب نزل من السياره وراح لجهة ديما وقومها وجابها لي.
خالد:"وهذي شنطتها"
"زين شكراً مره"
وابتسم. ومشى ودخلت معاي ديما ووديتها لغرفتي..
ونمت بدون لا احس..
تنبهت الساعه 8 الصبح مفجوعه، متأخره عالدوام..
لبست ولسا ديما نايمه وكلهم نايمين. وطلعت للدوام
وصلت وسويت كل الشغل الي علي وبوقت البريك طلعت اجيب لي قهوة
وانا طالعه بالممر لقيت خالد، وكان معي كم ملف بوديهم للمدير..
سويت نفسي ماشفته بس بنفس الوقت جاني فضول اعرف ليه جاي..
يمكن عشان الوظيفة؟
ومشيت من عنده.
خالد:"وش هالصدفه"
ابتسمت:"تشوف شلون، غريبه وش تسوي هنا؟"
خالد:" عشان قضية الاردن"
انصدمت:"الله كم لنا جايين توهم يقولون لك؟؟"
خالد:"لا قايلين لي من اول ماوصلت متى ماتبي وتوني افضى"
"ايه اشوا مو من عادتنا نماطل" وسكتت.
خالد:" قهوة؟ على حسابي هالمره"
سكتت. بعدين قلت.
"ياليت بس الشغل واصل لرأسي،، وهالملفات بوديهم للمدير" وكنت متوترة واضح على وجهي.
خالد:"اها" واضح ماصدقني.
بعدين قال..
خالد:" اجل نشوفك مره ثانيه"
"ان شاء الله" وابتسمت.
ونزل وانا كملت طريقي لمكتب المدير عطيته الملفات وطلعت ..
حتى القهوة هونت ما ابيها.
مريت على منار وقعدت معاها شوي وبعدها رحت لمكتبي.
لقيت كوب قهوة فوق المكتب. وموجود نوت صغيره جنبها
"صباح الخير..
قهوة سّااده من دون سكر"
من قريت الكلام وقلبي ينبض بشكل ومبسوطه. تنهدت بقوه
وفتحت جوالي ..
"مره شكراً والله ماكان له داعي تكلّف على نفسك"
وبعد كم دقيقه ردّ..
خالد:" على وشو؟"
"على القهوة؟"
خالد:" ماجبت قهوة"
تفشلت. حرفياً تمنيت ان الارض تبلعني.
خالد:" يمكن زميلاتك؟"
"اي صح يمكن، اسفه ازعجتك"
خالد:"شدعوه"
مارديت عليه. وقفلت جوالي وسألت منار واتس اذا هي جايبتها او لا.
وقالت لا.. علاقتي مع كل الدوام رسميه بزياده وبس منار الي امون عليها شوي بعد.
ومو هي، مين الي بيعرف الطلب حقي؟
قعدت اهوجس ..
بعد ثلاث ساعات طلعت من الدوام ورجعت للبيت،، لقيت البنات صاحيات .
"شخبارر النومه؟؟"
نجود:" بيررفكت"
"متت على اشكالكم الصباح"
نجود:" انا عن نفسي ودي انام زياده بس صحوني بالغصب"
"مااما وينها؟؟"
نجود:"جت امي ومرتها"
"طيب انا بلبس عشان حاجزة بعد المغرب، جاهزين انتم؟؟"
ردو كلهم ايه.
رحت تسبحت ولبست وطلعنا للسياره وصلنا للمطعم
وقعدنا، دق جوالي رقم غريب وقمت بعيد عنهم عشان ارد.
.....:"السلام عليكم" صوت رجل.
"وعليكم السلام، مين؟"
......:"كيف طعم القهوة عساها اعجبتك"
"نعم؟ لوسمحت عندك شيء ولا اقفل"
....:"انا حمد ال***"
حق المستشفى.
"مين حمد؟"
.....:"الي بالمستشفى، خلينا نقول الي دفع عنك الحساب اسهل"
"طيب وش تبي"
حمد:" تعبت وانا ادور عليك ويالله يالله لقيت مكان شغلك"..
"انت تقول قصه حياتك؟ وش المطلوب مني الحين انا؟"
حمد:" ياعليا انا حبيتك، والله من يوم ماشفتك وانا بس افكر فيك"
"لا حول ولا قوة الا بالله، انا بقفل ولا عاد تدق علي"
حمد:"عليا والله احلف لك اني ابيك وشاريك ولو تبين عطيني رقم امك اخطبك"
"شوف عاد انا ماعندي وقت لخرابيطك، رقمك لا عاد اشوفه ولا ارفع عليك قضيه!"
حمد:"ياحلوهم المحاميات بس"
"يارب صبرك بس" وقفلت بوجهه.
ضحكت على كلامه. اخطبك ؟؟ يستهبل ذا.
رحت لدورة المياه الله يكرمكم غسلت وجهي وطلعت ..
يعني من الصدمه قاعده اضحك..
رجعت للبنات وكل شيء طبيعي.. تعشينا وكل احد رجع لبيته.
كنت قاعده بالصالة اشوف اوراق، جاني نوتفيبكيشين من تويتر.
خالد:" عليا"
"سمي"
خالد:" فاضيه؟ لك خلق يعني ولا لا؟"
واضح اني كل شوي اصرفه.
"اي فاضيه" وحطيت ايموجي يضحك.
خالد:"وش يضحك؟"
"تبيني اصيح؟"
خالد:"لا واللي يعافيك روقي بس بقول لك"
"هلا"
خالد:" تذكرين يوم كنا بالاردن وقلتي لي ان شاء الله ماترجع إلا وانت حابها؟
انا ابي اقول لك اني حبيتها.. وحبيت الناس الي فيها والصدف الحلوه"
"بعذرك والله، ماكملت شهر واشتقت له" تجاهلت كلامه بالاخير لاني مافهمت مقصده بالضبط.
خالد:" اي، بتروحين بالصيف؟"
"اي ان شاء الله، زواج اياد بالصيف"
خالد:"خطب مشاء الله؟؟"
"اي نشبت له خليته يخطب، تبي اخطب لك؟؟" وحطيت ايموجي يضحك.
خالد:" خلاص انتي بتخطبين ليي"
"وينها بس وماعليك"
خالد:"قريب تعرفينهاا"
"زيين، انا بنام"
خالد:"تصبحين على خير ياوجه الخير"
حطيت ايموجي ولا رديت. ماكنت بنام بس مدي وش خلاني اقول له كذا..
قاعده احس بشعور غريب.. كارهه اني اشعر بهالشعور
انا وعدت نفسي ما اعطي احد اكبر من حجمه صح ولا اتعب نفسي باشخاص..
يمكن ياعليا هو غير.. احب الشعور الي يعطيني اياه خالد
مع اني عرفته بفترة قصيره
كأنه صديق، بس الصديق مانغار عليه ..
**
يتبع..
ليست هناك تعليقات:
إرسال تعليق